كلمة السيد جاك كلاسي في افتتاح مكتب نورسات - الأردن

  • strict warning: Declaration of views_handler_field::query() should be compatible with views_handler::query($group_by = false) in /home/abounaor/public_html/sites/all/modules/views/handlers/views_handler_field.inc on line 0.
  • strict warning: Declaration of content_handler_field::element_type() should be compatible with views_handler_field::element_type($none_supported = false, $default_empty = false, $inline = false) in /home/abounaor/public_html/sites/all/modules/cck/includes/views/handlers/content_handler_field.inc on line 0.
  • strict warning: Declaration of views_handler_sort::options_validate() should be compatible with views_handler::options_validate($form, &$form_state) in /home/abounaor/public_html/sites/all/modules/views/handlers/views_handler_sort.inc on line 0.
  • strict warning: Declaration of views_handler_sort::options_submit() should be compatible with views_handler::options_submit($form, &$form_state) in /home/abounaor/public_html/sites/all/modules/views/handlers/views_handler_sort.inc on line 0.
  • strict warning: Declaration of views_handler_sort::query() should be compatible with views_handler::query($group_by = false) in /home/abounaor/public_html/sites/all/modules/views/handlers/views_handler_sort.inc on line 0.
  • strict warning: Declaration of views_handler_filter::options_validate() should be compatible with views_handler::options_validate($form, &$form_state) in /home/abounaor/public_html/sites/all/modules/views/handlers/views_handler_filter.inc on line 0.
  • strict warning: Declaration of views_handler_filter::query() should be compatible with views_handler::query($group_by = false) in /home/abounaor/public_html/sites/all/modules/views/handlers/views_handler_filter.inc on line 0.
  • strict warning: Declaration of views_plugin_query::options_submit() should be compatible with views_plugin::options_submit($form, &$form_state) in /home/abounaor/public_html/sites/all/modules/views/plugins/views_plugin_query.inc on line 0.
  • strict warning: Declaration of views_plugin_style_default::options() should be compatible with views_object::options() in /home/abounaor/public_html/sites/all/modules/views/plugins/views_plugin_style_default.inc on line 0.
  • strict warning: Declaration of views_plugin_row::options_validate() should be compatible with views_plugin::options_validate(&$form, &$form_state) in /home/abounaor/public_html/sites/all/modules/views/plugins/views_plugin_row.inc on line 0.
  • strict warning: Declaration of views_handler_field_user::init() should be compatible with views_handler_field::init(&$view, $options) in /home/abounaor/public_html/sites/all/modules/views/modules/user/views_handler_field_user.inc on line 0.

كلمة السيد جاك كلاسي في افتتاح مكتب نورسات - الأردن

عمّان - أبونا
2012/04/27

 

فيما يلي كلمة الاستاذ جاك كلاسي، مدير عام "تيلي لوميار"، خلال حفل افتتاح المركز الكاثوليكي للدراسات والإعلام ومكتب نورسات في الأردن. (الكلمة باللغة العامية اللبنانية):

استخدم قداسة البابا بندكتس السادس عشر عبارات مأسوية أثناء حفل استقبال دبلوماسيين في روما كانون الثاني 2010، إذ قال: "إن مستقبلنا ومصير كوكبنا هما في خطر".

ما في شك استعمال قداسة البابا لهالجملة ما هوي إلا "دق لناقوس الخطر". لأنو عم يسمع اللي عم نسمعوا، وعم بشوف اللي عم منشوفو، وعم يقرأ اللي عم نقراه عبر إعلام اليوم.

نحنا بالقرن 21 واكتر من 50 حرب بعدها قايمة على هالكوكب. انتشار التعصب الديني والعرقي والجغرافي والتصاعد الأصولي مع أعمال عنف كيف مارحت وجيت على هالأرض. أزمات اقتصادية وجوع حدث ولا حرج. زراعة المخدرات وترويجها عم بتزيد وتزدهر بكافة أنحاء الكوكب. السياحة الجنسية عيب نحكي. والجديد الأجمل سياحة الانتحار (بتروح على بلد أوروبي وبحضروك نفسياً وجسدياً لكيفية الانتحار). مواردنا الطبيعية عم تخلص (إحصاءات تشير انو خلال الـ25 سنة القادمة نصف سكان الكرة الأرضية رح يتعرضوا لنقص في مياه الشرب). غابات كوكبنا عم تتقلص (إحصاءات بتقول خلال 30 سنة من اليوم 50% نقص بثروة غابات هالكوكب). الموارد النفطية اللي تكدست طوال ملايين السنين استهلكنا نصفها بأقل من 50 سنة. ناهيك عن مخاطر الاحتباس الحراري وارتفاع معدل حرارة الأرض وارتفاع مستوى المحيطات والنفايات السامة والنفايات المنزلية والفقر الذي يعيش فيه ثلث سكان الأرض والكثافة السكانية في المدن والنقص في التربية والصحة والمسكن والعمل.

وكأنما وحشاً استولى على كوكبنا ليفسد البشر.

كيف يمكننا أن نتخيل استمرارية التاريخ في عالم تتنامى فيه دوافع المصالح الشخصية والقيم المادية واشباع الملذات والنزوات؟ كيف يمكننا أن نتخيل استمرارية التاريخ في عالم وضع الله جانباً؟.

عم نعيش بمستوى بيفوق قدراتنا. عم نعيش على حساب الأجيال المقبلة.

بالعالم كلّو ومن وقت انفجار الأزمة المالية زادت ديون الدول بنسبة 45% ... صارت الديون اكتر من 50 ألف مليار (خمسة و13 صفر) فوائد هالديون بس كفيلة انو تلغي الفقر عن الأرض.

العالم عم يتدهور، الإنسان عم يفقد انسانيتو، كوكبنا كلو بخطر!.

ونحنا (ومن 1500 سنة) بعدنا عم نناقش حرية التعبير، حرية الرأي، حرية العقيدة، حرية الضمير، حرية الإبداع، ولا إكراه في الدين، ومسيحيو الشرق قلقون، والربيع العربي والصيف العربي والخريف والشتاء العربي. هالجدلية والخلافات والعيش بيأس وقلق وحيرة وخوف خلّت الغرب يحتكر كل تقدم علمي... وصرنا آخر من يعلم، وآخر من يعلّم. أما آن الأوان للأمة العربية أن تعود وتقود سباق التقدم والمعرفة والتنمية؟.

من أكتر من ألف سنة وأيام الخلافة العباسية كان العرب يدفعوا ثمن الكتاب ذهباً (وكل كتاب بحسب وزنه) ليكتنزوا المعرفة. اليوم سيطرت السطحية على معظم وسائل إعلامنا. للأسف بإعلام اليوم (المسموع والمرئي والمقروء) صار التباهي بالعنف والإباحية والرعب بكل صوروا وكلماتو البذيئة غذاء يومي لعائلاتنا وأطفالنا (الله أحب الأطفال: دعوا الأطفال يأتون إلي).

أولادنا بحكم أعمارهم ما بيقدروا يميزوا بين ما هو خيالي وما هو واقعي. صاروا يعتقدوا انو العنف أمر مقبول ولا عيب في تقليده!. هالتلاعب بالعقول خلًت أجيال تنسطل أمام برامج تافهة حصرت معلوماتهم بمعرفة أسماء الرياضيين والفنانين والراقصات ومواصفات السيارات. هالتلاعب بالعقول بوسائل الإعلام اليوم أقل ما يقال فيه: تسميماً روحياً لخلق الله. هالتسمم الروحي بيخليك تمشي غلط وتفكر خطأ وعندما يرتكب الإنسان الخطيئة... الكون كله يتألم.

كان مكيافيللي يقول: "يجب على الملوك العقلاء أن يتنبهوا ليس فقط لمشكلات الحاضر وإنما للاضطرابات الآتية كذلك". وبالعربي منقولها: الوقاية خير من العلاج.

اليوم ملوك هالكوكب العقلاء هم الإعلاميون الشرفاء.

وسائل الإعلام اليوم إذا استخدمت بطريقة شريفة قادرة تبني مجتمعات لا يكون فيها الإنسان بعد الآن "السيد والمسيطر" على الطبيعة والحياة إنما المؤتمن عليها.

بدنا إعلام يفكر صح وينقل صح ويصير مستشفى روحي لكل محبط ويائس وحزين ومعاق ومقعد وعاجز ومريض وحاقد ومضطهد ومرهق ومهجّر ومهاجر ومهان ومهمل. بدنا إعلام ما يفرض على الآخر ثقافتوا أو طريقة تفكيره أو قانونه الأخلاقي. بدنا إعلام قادر يمد جسور مع الآخر. بدنا إعلام إنساني. بدنا نورسات بكل بلد بالعالم.

نورسات فضائية تيلي لوميار شباك منطل منو عالسما وبتفرجي العالم الآتي (كل التلفزيونات بتفرجيك عالم اليوم وحدها نورسات بتفرجيك شو ناطرك بعالم ما بعد اليوم). نورسات إعلام الحرية والحقيقة. نورسات قادرة تجاوب على كل تساؤلاتك. نورسات لتذكرك انو ارض هالشرق مروية بدم شهدائنا وأرض عاش عليها قديسين أبطال. نورسات لتأكدلك انو مهما طال ليل العذاب "فالسيد آتٍ". نورسات فضائية تيلي لوميار كتاب مقدس، بشارة فرح، إنجيل مفتوح منقرا فيه "حسن لنا أن نبقى هنا"، منقرأ فيه: "لا تخف أيها القطيع الصغير"، منقرا فيه "أنا معكم حتى انتهاء الدهر".

نورسات باقية شاهدة للإنجيل ولكنيسة عمرها 2000 سنة تشق غمار الزمن وشو ما كبرت وكترت العواصف بتفرجيك أنو يسوع معنا عالباخرة، منو نايم.

تيلي ولوميار وفضائيتها نورسات هالمحطة الثقافية الدينية هي لتأكد انو الدين وسيلة لصنع السلام.

وأن لم تكن الأديان للسلام، فعلى الدنيا السلام.
 

علق عن طريق الفيس بوك علق عن طريق الموقع

التعليقات

1 - يا ريت كل الناس بتعرف هل

Mon, 04/30/2012 - 13:00

يا ريت كل الناس بتعرف هل حقيقة

2 - تهنينا

Sat, 04/28/2012 - 09:11

كلمة جميلة جدا وعميقة ولكن لو كانت الكلمة باللغة العربية الفصحة وليس باللهجة اللبنانية ... الاب حكمت حدادين

أرسل تعليقا

لن يظهر للقراء